Umubare w’abanduye Coronavirus ukomeje kwiyongera ubutitsa.

  • by

Umubare w’abamaze kwandura Coronavirus ku isi umaze kurenga ibihumbi 435 naho umubare w’abo imaze guhitana ugeze kubihumbi 20.

Minisiteri y’Ubuzima, yatangaje ko kuri uyu wa Kabiri tariki ya 24 Werurwe 2020, mu Rwanda hagaragaye abandi barwayi bane ba COVID19 bituma umubare w’abanduye iki cyorezo mu Rwanda ubai abarwayi 40.

Aba barwayi ba COVID-19 bagaragaye ejo, barimo 2 baturutse I Dubai,umwe waturutse I Bruxelles mu Bubiligi ndetse n’umwe wahuye n’uwanduye iki cyorezo mu Rwanda aramwanduza.

Ku munsi w’ejo nibwo habonetse umubare munini w’abanduye COVID -19 kuva yagera mu Rwanda kuwa 14 Werurwe 2020,kuko habonetse abantu 17 biyongereye kuri 19 bari babonetse mu minsi yari yabanje.

MINISANTE iratangaza ko abarwayi bose uko ari 40 bari kwitabwaho kandi bameze neza ndetse ngo abambere bashobora gusezererwa mu minsi iri imbere.

MINISANTE irasaba kandi Abanyarwanda gukomeza kwitwararika bakaraba intoki no guhama mu rugo mu rwego rwo kwirinda no gukwirakwiza iyi ndwara.

Leave a Reply

Your email address will not be published. Required fields are marked *